Dy xhudistet kosovare, Distria Krasniqi dhe Laurine Gashi, do të garojnë sot në Kampionatin Evropian të Xhudos për Seniorë, që po zhvillohet në Podgoricë të Malit të Zi.
Distria Krasniqi, kampione olimpike dhe njëra nga sportistet më të suksesshme të Kosovës, do ta nis garën nga raundi i dytë, duke pushuar në ndeshjen e parë për shkak të shortit.
Ndërkohë, xhudistja e re Laurine Gashi, e cila po dëshmon progres të vazhdueshëm në arenën ndërkombëtare, do të përballet në raundin e parë me Raquel Brito nga Portugalia – një përballje që pritet me interes të madh.
Pjesëmarrja e dy xhudisteve në këtë kampionat prestigjioz është edhe një tjetër dëshmi e prezencës së fuqishme të Kosovës në sportin e xhudos, ku pritet që Krasniqi dhe Gashi të japin më të mirën për të arritur rezultate domethënëse për vendin.
