De Jong, shumë serioz dhe reflektues, siguroi pas humbjes me Villarealin se këto gjëra nuk mund t’i ndodhin një ekipi të nivelit të lartë si Barça.
Holandezi kujton se këtë sezon tashmë i ka ndodhur në më shumë se një rast. Mesfushori siguron se nuk është faji i stafit stërvitor, i trajnerit Xavi, duke e drejtuar gishtin direkt nga lojtarët:
“Nuk ishte një lojë e mirë, por nëse e sheh veten në disavantazh 2-0 dhe pastaj kalon në epërsinë 3-2, nuk mund ta shpërdorosh këtë përmbysje. E pafalshme nëse në fund humbet.
Ne duhet ta përmirësojmë këtë aspekt, sepse është e pafalshme. Unë mendoj se nuk mund të ndodhë në një top-ekip diçka e tillë. Nëse keni përvojë, kjo nuk mund të ndodhë.
- Advertisement -
Ne duhet të bëjmë shumë më mirë. Penalltia e mundshme? Na favorizonte shumë, por arbitri ka parë VAR-in dhe ka thënë jo. Duhet t’i besojmë kësaj. Xavi? Kemi besim të plotë te stafi i trajnerëve, është faji i lojtarëve”.
