Nesër mbrëma zhvillohet finalja e UEFA Conference League, ku përballen Chelsea dhe Real Betis. Sfida do të luhet në “Tarczyński Arena” të Wrocławit në Poloni, me fillim nga ora 21:00.
Londinezët konsiderohen favoritë për të fituar trofeun e tretë më të rëndësishëm në futbollin evropian për klube, falë përvojës dhe cilësisë së skuadrës. Megjithatë, Real Betis pritet të jetë një kundërshtar i denjë, duke synuar të befasojë në natën e madhe.
Kjo nuk është hera e parë që dy ekipet përballen në kompeticione evropiane. Në sezonin 2005/06, ato u ndeshën në fazën e grupeve të Champions League. Betis fitoi ndeshjen e parë me rezultat minimal 1:0, ndërsa Chelsea reagoi fuqishëm në takimin e kthimit, duke triumfuar me rezultatin bindës 4:0.
Tani, pas gati dy dekadash, të dyja skuadrat rikthehen në një tjetër duel me shumë peshë, këtë herë me trofeun e Conference League në lojë. Mbetet për t’u parë se kush do të ngjitet në majë në mbrëmjen evropiane të Polonisë.
