Champions League ka dhuruar edhe një mbrëmje tjetër dramatike, ku Barcelona dhe Paris Saint-Germain siguruan biletat për në gjysmëfinale, megjithëse të dyja skuadrat pësuan humbje në ndeshjet e kthimit të çerekfinales.
PSG kalon mes dramës në Angli
Në një sfidë spektakolare të zhvilluar në Angli, Aston Villa mposhti PSG-në me rezultat 3-2, por kjo fitore nuk mjaftoi për kualifikim, pasi francezët kishin triumfuar 3-1 në ndeshjen e parë në Paris.
Parizienët nisën furishëm takimin dhe krijuan epërsi të dyfishtë falë golave të Achraf Hakimit (11’) dhe Nuno Mendesit (28’), duke e çuar rezultatin e përgjithshëm në 5-1. Por Villa nuk u dorëzua.
Skuadra angleze reagoi menjëherë, me Youri Tielemans që ngushtoi shifrat në minutën e 34-të. Në pjesën e dytë, John McGinn dhe Ezri Konsa përmbysën gjithçka për rezultatin final 3-2, por ai nuk mjaftoi për më shumë sesa një fitore nderi – PSG kalon me rezultat të përgjithshëm 5-4.
- Advertisement -
Barcelona ruan epërsinë, pavarësisht disfatës në Dortmund
Ndërkohë në “Signal Iduna Park”, Borussia Dortmund arriti një fitore 3-1 ndaj Barcelonës, por katalanasit avancuan falë suksesit të thellë 4-0 në ndeshjen e parë në “Camp Nou”.
Gjermanët hynë fuqishëm në lojë dhe ngjallën shpresat me dy gola nga Serhou Guirassy (11’ pen., 49’), por një autogol i Bensebainit në minutën e 54-të ia ndërlikoi planet. Guirassy realizoi sërish në minutën e 76-të, por përkundër fitores 3-1, Dortmund eliminohet me rezultat të përgjithshëm 5-3, ndërsa Barcelona vazhdon rrugëtimin drejt trofeut.
Përballje gjigantësh të mërkurën
Champions League do të mbyllë fazën çerekfinale të mërkurën, me dy supersfida:
Inter – Bayern Munich
Real Madrid – Arsenal
- Advertisement -
Dy vende të mbetura në gjysmëfinale do të përcaktohen në këto përballje që premtojnë spektakël dhe tension maksimal.
