Fabio Capello është trajneri italian me eksperiencën më të gjatë jashtë vendit, mes Londrës dhe Moskës, 8 vite, nga viti 2007 deri në 2015. Tani një komentues televiziv i “Sky”, ai nuk ka asnjë dyshim për efikasitetin e Ancelottit në kombëtaren e Brazilit:
“Ai është më i miri nga të gjithë. Nuk fiton askund në Europë, nëse nuk je shumë i mirë. Mos harroni se ka fituar në dy periudha me Real Madridin, klubin më të vështirë. Real Madridi duket si Brazili, nuk mund të gabosh. Dhe ata zgjodhën dikë që bën pak gabime”.
Cilat janë vështirësitë e stërvitjes së një kombëtareje si Brazili, ku ka shumë pritshmëri dhe vetëm një objektiv, për të fituar?
Nuk ke kohë për të trajnuar, pak kohë për të krijuar një grup, pak kohë për gjithçka në përgjithësi në një ekip kombëtar. Fat do të ishte të gjejë një grup tashmë solid lojtarësh dhe disa liderë që ta dëgjojnë. E rëndësishme është të gjejë momentin e duhur, dmth lojtarë në formë të mirë, që të mbërrijnë në fund të sezonit në kushte optimale. Për shembull, lojtarët e Anglisë sime vraponin si të çmendur gjatë gjithë vitit, pastaj shpërthenin në kombëtare.
- Advertisement -
Synimi është Kupa e Botës 2026. Si ish-trajner, çfarë këshille do të dëshironit t’i jepnit?
Ekipet kombëtare që fituan Kupën e Botës kanë gjetur grupin, duke krijuar mentalitetin e duhur, një grup që mund t’i rezistojë presionit të madh, nga media, nga tifozët… Do të jetë e vështirë, sepse me klubet, nëse bëni një gabim në një ndeshje ose nuk luan mirë, pas 7 ditësh mund ta kompensosh. Në kombëtare nuk mund të ndërhysh në thellësi.
Çfarë do të duhet të bëjë Carlo?
Ta rinovojë ekipin dhe të mbështetet tek ata që njeh; Vinicius, Rodrygo, Militao. Ai do të duhet ta bëjë këtë, nuk ka dyshime. Për fat të mirë kanë qenë shumë me të në klube, unë mendoj për Richarlison, Casemiro, Marquinhos… Do t’i duhet t’i ndjekë mirë, e ka të lehtë pasi luajnë pothuajse të gjithë në Europë.
Meritat e Ancelottit?
- Advertisement -
Ai arrin të përçojë besim te lojtarët dhe kjo nuk është gjë e vogël. Pastaj ai nuk luan gjithmonë në të njëjtën mënyrë, por sipas lojtarëve që ka. Aftësia e tij është të kuptojë lojtarët që ka dhe taktikisht është shumë i mirë. Pastaj ka karakter, forcë nervore, durim dhe di të flasë. Mbi të gjitha rrezaton besueshmëri.
