Ish-legjenda e Interit, Giuseppe Bergomi, ka analizuar situatën e Napolit në një prononcim për “Sky Sport”, duke vënë në pah cilësinë dhe strukturën e skuadrës nën drejtimin e trajnerit Antonio Conte.
Napoli aktualisht ndodhet në krye të renditjes së bashku me Interin, dhe sipas Bergomit, skuadra është ndërtuar për të luftuar për titullin deri në javën e fundit.
“Më pëlqen mënyra se si është ndërtuar kjo skuadër. Ka lojtarë që bëjnë diferencën në Serie A, si McTominay, që ka shënuar 9 gola. Po flas për titullarët. Rrahmani është një nga mbrojtësit më të nënvlerësuar në ligën tonë,” tha Bergomi.
Ai theksoi se, pavarësisht mundësisë që Napoli të investojë në të ardhmen për një tjetër qendërmbrojtës cilësor, aktualisht reparti difensiv i ekipit funksionon në mënyrë të jashtëzakonshme.
- Advertisement -
“Forca mbrojtëse e këtij ekipi është e pabesueshme. Shifrat flasin vetë,” shtoi ai.
Amir Rrahmani, qëndërmbrojtësi kosovar, vazhdon të jetë një pikë e fortë e mbrojtjes së Napolit. Me paraqitjet e tij të qëndrueshme, ai konfirmon vlerën që ka për skuadrën, edhe nëse shpeshherë mbetet larg vëmendjes mediatike dhe analizave të zakonshme.
