Bashkëshortja e Dani Alves, Joana Sanz, do të dëshmojë në gjyqin që do të mbahet nga 5 deri më 7 shkurt kundër ish-lojtarit të Barcelonës, akuzuar për përdhunimin e një vajze 23-vjeçare në klubin e natës “Sutton”, natën e 31 dhjetorit 2022. Sipas informacioneve të siguruara nga “El Periódico”, Sanz e ka vizituar brazilianin në burg në disa raste.
Edhe pse ka shpallur qëllimin e saj për t’u divorcuar, madje ka kontaktuar edhe një avokat, më në fund do të dëshmojë në favor të Dani Alves në gjyq. Modelja është propozuar nga mbrojtja si dëshmitare. Ajo do të jetë një nga 30 dëshmitarët që do të kalojnë tri ditë para Gjykatës së Barcelonës, e cila do të duhet të japë një dënim.
Si fillim, ish-mbrojtësi përballet me kërkesën e prokurorit për 9 vite burg, për veprën penale të sulmit seksual me penetrim. Prokuroria private, e ngritur nga avokati Ester García në mbrojtje të ‘viktimës’, kërkon dënimin maksimal për Alves: 12 vite burg.
Avokati i lojtarit, Inés Guardiola, vazhdon të mbrojë prezumimin e pafajësisë së Alves dhe kërkon pafajësi, teksa detajon alternativa të ndryshme për të argumentuar shfajësimin. Dita e parë e gjyqit, 5 shkurti, do t’iu kushtohet çështjeve paraprake.
- Advertisement -
Më pas do të dalin dëshmitarët, mes të cilëve ‘viktima’, kushëriri dhe shoku që e shoqëronin në lokalin e natës, si dhe policia që kreu hetimet. Përmendet edhe nëna e ‘viktimës’.
