Barcelona ka siguruar një fitore të thellë 3-0 ndaj Osasuna në ndeshjen e javës së 28-të të LaLigës, duke vazhduar luftën për titull.
Katalanasit e nisën ndeshjen shumë fuqishëm, me Ferran Torres që shënoi golin e parë në minutën e 11-të, pas një asistimi të Alejandro Baldes. Pas vetëm dhjetë minutash, Dani Olmo realizoi nga penalltia dhe e dyfishoi rezultatin për Barcelonën.
Në pjesën e dytë, Robert Lewandowski vulosi fitoren e pastër për ekipin e tij, duke realizuar golin e tretë në minutën e 77-të.
Ky triumf i mban katalanasit në vendin e parë të renditjes me 63 pikë, duke i lënë pas rivalët e Real Madridit. Ndërkohë, Osasuna mbetet në mes të tabelës, duke u renditur në vendin e 14-të me 33 pikë.
