Liman Shpendi, i njohur nga të gjithë si Alex, babai i Cristian Shpendit, qendërsulmuesit të Cesena, është thirrur mëngjesin e djeshëm në komisariatin e Cesena për identifikim, pas sulmit ndaj portierit Filippo Rinaldi, ku ai ishte protagonist në fund të ndeshjes së kampionatit kundër Olbia.
Babai i futbollistëve binjakë shqiptarë, Shpendi, ka dashur të kërkojë falje publike për gjestin e keq, që me siguri do t’i kushtojë pezullim nga stadiumet. “Iu kërkoj falje të gjithëve, – tha ai kur u largua.
Më pa gjithë Italia dhe Cesena duke bërë një gjest shumë të keq. E di që kam zhgënjyer shumë njerëz dhe për këtë arsye kërkoj falje 100 mijë herë. E pashë djalin tim në tokë, i gjakosur nga portieri kundërshtar, duke e goditur nga pas. Për këtë arsye, si baba u tmerrova, por absolutisht nuk godita askënd”.
Megjithatë, në mëngjes ishte Cesena, me një shënim, që dënoi gjestin dhe u distancua nga Shpendi senior: “Cesena FC, në lidhje me episodin e ndodhur të dielën, me rastin e ndeshjes Cesena-Olbia, dënon me vendosmëri sjellja e familjarit të sulmuesit Shpendi.
- Advertisement -
Ne distancohemi nga çdo formë dhune dhe sjellje josportive që nuk ka të bëjë fare me parimet e besnikërisë dhe lojës së ndershme, që na kanë dalluar gjithmonë”.
