Atletico Madrid do të përballet me Athletico Bilbaon në orën 21.30 të enjten, në ndeshjen e vlefshme për Copa Del Rey. Në takimin e parë, Los Colchoneros u mundën 1-0 dhe në aktin e kthimit do tentohet përmbysja.
Antoine Griezmann nuk do të jetë pjesë e sfidës. Sulmuesi francez nuk luajti as ndaj Almerias për shkak dëmtimi, ndërsa për këtë takim do lihet pushim për t’u rikuperuar plotësisht. Lajmi është bërë i ditur nga trajneri i Atleticos, Diego Simeone, në intervistën e dhënë para gjysmëfinales.
“Griezmann nuk do të jetë në ndeshje. Ne kemi nevojë që ai të rikuperohet mirë. Jam i bindur se shokët e ekipit që do ta zëvendësojnë do ta bëjnë diçka të tillë në mënyrën më të mirë të mundshme” – Tha Simeone.
(J.S/BalkanWeb)
