Asllani s’del në foton e përbashkët të vitit të AC Milanit për shkak të serbit Joviq

Klubi i Milanit, sot e ka pasur ditën e fotografive zyrtare të vitit.

Pjesëmarrës kanë qenë të gjithë lojtarët, si nga ekipi i meshkujve, ashtu edhe nga ekipi i femrave.

Në klubin kuqezi luan edhe futbollistja me prejardhje nga Kosova e me nënshtetësi suedeze, Kosovare Asllani.

Derisa Asllani është paraqitur në të gjitha fotografitë për klubin, siç mëson Klankosova.tv, ajo ka refuzuar që të marrë pjesë në fotografinë e përbashkët të klubit me të gjithë futbollistët, meshkuj e femra.

Klankosova.tv nga burime të afërta me lojtaren ka mësuar se arsyeja e këtij refuzimi ka qenë lojtari serb, Luka Joviq, me të cilin Asllani nuk ka dashur të jetë e pranishme në një foto të përbashkët.https://zeri.info/inarticle.html

Bëhet e ditur se as konsultimet e gjata të klubit të Milanit nuk kishin sukses që ta bindnin Asllanin që në fotografi të jenë edhe ajo edhe Joviqi.