Arabia Saudite mund të jetë destinacioni i ardhshëm për mesfushorin e Manchester Cityt, Kevin De Bruyne, me interesimin për reprezentuesin belg që po rritet çdo ditë e më shumë.
De Bruyne, që është afër fundit të kontratës me Manchester City, ka pasur bisedime të mundshme me San Diego FC për një kalim në MLS për sezonin e ardhshëm. Megjithatë, trajneri i Cityt, Pep Guardiola, ka shprehur dëshirën që mesfushori të rinovojë dhe të qëndrojë në skuadër.
Ndërkohë, sipas “Fussball Transfers”, Neom SC, një klub i fuqishëm dhe shumë i pasur nga liga e dytë saudite, që është afër ngjitjes në Saudi Pro League, po bën përpjekje të vazhdueshme për të siguruar shërbimet e De Bruyne. Diskutimet mes palëve thuhet se kanë qenë pozitive deri tani.
Pak ditë më parë, De Bruyne kishte lënë të hapur mundësinë e një kalimi në Arabinë Saudite, duke deklaruar: “Në moshën time, duhet të jesh i hapur për gjithçka. Po flasim për shuma të pabesueshme parash për atë që mund të jetë fundi i karrierës sime. Ndonjëherë, duhet ta mendosh.”
- Advertisement -
Tani mbetet të shihet se cilën rrugë do të zgjedhë mesfushori belg për vazhdimin e karrierës së tij.
