Në ceremoninë e mbajtur mbrëmë në Paris, ku Lionel Messi fitoj çmimin si lojtari më i mirë për vitin 2022.
Por, votat e kapitenëve të ekipeve kombëtare kanë zënë në befasi shumë kënd, siç është rasti i David Alabas.
Mbrojtësi i Real Madridit votoi për Lionel Messin në kategorinë e lojtarit më të mirë të FIFA-s për meshkuj, përpara shokut të skuadrës, Karim Benzemas. Pasi mori shumë kritika që kur lajmi doli në dritë, kapiteni i Austrisë përmes rrjeteve sociale ka shpjeguar vendimin e tij.
“Lidhur me çmimin më të mirë të FIFA-s: Kombëtarja e Austrisë votoi për këtë çmim si ekip, jo vetëm unë. Të gjithë në këshillin e ekipit mund të votojnë dhe kështu vendoset. Të gjithë e dinë, veçanërisht Benzema, sa shumë e admiroj atë dhe paraqitjet e tij dhe e kam thënë shpesh se për mua ai është sulmuesi më i mirë në botë, dhe kështu është ende. Pa dyshim”, ishte arsyetimi i tij.
