Institucioni më i lartë i futbollit botëror, FIFA, gjatë kongresit që po e mbanë në Afrikë, mori vendim për përjashtimin e dy federatave. Sri Lanka dhe Zimbabve pësuan keq për shkak të përzierjes së politikës në punën autonome të këtyre federatave.
FIFA është e pakompromisë në këto veprime, ndërsa autoritetet edhe në vendin tonë duhet të jenë tejet të kujdesshme.
Zhagitja e rilicencimit të FFK-së mund të konsiderohet alarm për futbollin kosovar si ndërhyrje.
FFK përkundër që i lejohet të organizoi aktivitetin, nga mos-licencimi dëmtohen klubet, pasi me apo pa të drejt nuk i lëshohen vërtetime për lirime nga tatimi të sponsorëve sipas Ligjit të sponsorizimit të sportit.
- Advertisement -
Kushtet e licencimit nuk shihen në asnjë vend së paku të rajonit, derisa MKRS nuk është në gjendje së paku të merr një vendim.
Zhagitja veç krijon telashe momentale e sikur i shkon për shtati dikuj që me çdo kusht do t’i fusë duart në FFK. Po që se merret vendimi për mos-licencim, atëherë gjykata ia hedh poshtë, duke e ditur se udhëzimi administrativ has në kundërshtim me ligj e kushtetutën, andaj krijojnë amulli, ama si zv. Daulina Osmani e cila nuk përton të dal në TV për këto tema, nuk sqaron dhe nuk ndihmon në këtë drejti, por duket se MKRS ka hyrë rrugës pa krye!
Është koha e fundit, që MKRS të veproi në rilicencimin e FFK-së, përndryshe futbolli i Kosovës rrezikon edhe përjashtimin.
Këtë muaj nis kampanja eliminatore e Kombëtares së Kosovës për Euro 2024 dhe i gjithë përqendrimi duhet të jetë aty e jo te kërkesat e pakuptimta të cilat e ngulfatin futbollin.
Sqarim:
- Advertisement -
Ligji i sponsorizimit për sport është votuar në Kuvendin e Kosovës, për ta lehtësuar mbajtjen e aktivitetit sportiv. Me këtë ligj përfitojnë edhe klubet, shkollat apo ojq të cilat mbajnë aktivitet por nuk janë fare pjesë e federatave, ky fakt dëshmon se udhëzimi administrativ është i kundëligjshëm, pasi klubet janë subjekte të ndara.
