Fituesi i Big Brother VIP Kosova 3, Driloni, ka ndërmarrë veprime ligjore kundër finalistes Xheneta Fetahu, pasi ajo ka publikuar disa incizime private mes tyre pa autorizim.
Sipas menaxherit të Drilonit, Fisnikut, publikimi i këtyre bisedave ka shkaktuar dëme të konsiderueshme në imazhin dhe reputacionin e tij, duke i hapur rrugë angazhimit të avokates Bedrie Rexhepi për të marrë hapa ligjorë.
Nga ana e saj, Xheneta e ka mbrojtur veprimin e saj duke thënë se publikimi i regjistrimeve ka qenë një masë mbrojtëse, për shkak të kërcënimeve që ajo pretendohet të ketë marrë nga Driloni dhe menaxheri i tij.
Ky incident ka krijuar një debat të ashpër në rrjetet sociale, ku ndjekësit janë të ndarë në mbështetje të secilës palë, ndërsa e ardhmja e çështjes ligjore mbetet të shihet.
- Advertisement -
