Ish-banorja e “Big Brother VIP”, Xheneta Fetahu, ka folur pa rezerva për marrëdhënien e saj me Gjestin, në një intervistë gjatë emisionit “E Diell” në Top Channel, ku iu përgjigj pyetjeve të publikut rreth raportit të saj të mëparshëm me të.
Kur u pyet se si u ndje kur pa Gjestin dhe Eglin duke u puthur në shtëpinë e “Big Brother”-it, Xheneta u shpreh qartë:
“Nuk kam pse të ndihem as mirë as keq. Nëse ata duan të lidhen, suksese.”
Ajo sqaroi se lidhja e saj me Gjestin nuk kishte qenë e planifikuar dhe se ishte ndikuar nga ana e tij emocionale.
“Nuk kam pas qëllim të lidhem në Big Brother. Jam lidh me të për atë shpirtin e tij fëminor… jo sepse kishte kriteret që unë dua tek një mashkull,” theksoi Xheneta.
E pyetur nëse kishte vërejtur ndryshime në sjelljen e Gjestit ndaj Eglit pas intervistës së saj në “Fan Club”, ajo tha se nuk është e sigurt:
“Ndonjëherë mendoj se po, ndonjëherë se jo – jam 50/50.”
- Advertisement -
Kur duhej ta përshkruante Gjestin me tre fjalë, përgjigjja e saj ishte e drejtpërdrejtë:
“Mashtrues, narcist, dhe ka zemrën e mirë.”
Ndërkohë, në pyetjen më të bujshme – nëse do të bënte një fëmijë me Gjestin – përgjigjja e saj ishte e prerë:
“Jo!”
Deklaratat e Xhenetës kanë shkaktuar reagime të shumta në rrjetet sociale, ku ndjekësit janë ndarë mes mbështetjes dhe kritikave për qëndrimet e saj të hapura.
