Hyrja e Big Bastës në formatin “Ferma VIP” ndezi një sërë thashethemesh në mediat online, ku u përmend një krizë martesore mes tij dhe këngëtares Vesa Luma. Këto spekulime u fuqizuan nga mungesa e mbështetjes publike të Vesës për pjesëmarrjen e bashkëshortit të saj në këtë emision, pasi ajo nuk postoi asnjë reagim në rrjetet sociale.
Megjithatë, pas një periudhe heshtjeje, Vesa Luma ka vendosur të reagojë dhe ka postuar një kolazh fotosh në Instagram, ku përfshihej edhe një foto e Big Bastës nga “Ferma VIP”. Ajo ka shoqëruar postimin me mbishkrimin: “Muzikë, dashuri, shoqëri”, duke i dhënë fund thashethemeve për një krizë të mundshme dhe duke treguar se mes tyre gjithçka po ecën mirë.
Ky postim i Vesës vjen si një dëshmi e qartë që spekulimet për një ndarje apo probleme në marrëdhënien e tyre janë të pavërteta.
