Këngëtarja Rovena Stefa rikthehet në skenë me një këngë të re, një baladë dashurie që sjell emocione të forta dhe një histori të ngarkuar me dramacitet.
Në klipin e kësaj kënge, Rovena luan përkrah Atillës, me të cilin ka ndarë eksperiencën edhe në reality show-n “Big Brother VIP Kosova”. Klipi është realizuar pjesërisht në ambientet e shtëpisë së Rovena Stefës, duke i dhënë një ndjesi intime dhe të ngrohtë skenave.
Rrëfimi vizual përqendrohet në marrëdhëniet e një çifti, ku romanca përplaset me tensione të forta që çojnë deri në ndarje, për shkak të tradhtisë. Atilla luan rolin kryesor përkrah Rovenës, duke sjellë një interpretim autentik dhe të thellë të kësaj historie dashurie, e cila prek ndjenjat e publikut dhe përshkruan pasojat e një lidhjeje të brishtë.
