Besart Kelmendi, i njohur për publikun si Gjesti, është shpallur fitues i sezonit të katërt të “Big Brother VIP Albania”, pas një rrugëtimi të gjatë, të mbushur me sfida, tensione dhe emocione. Pavarësisht përballjeve me ofendime, presion psikologjik dhe një episod dhune fizike, ai arriti të fitojë zemrat e publikut dhe çmimin e madh prej 100 mijë eurosh.
Një nga momentet më të përfolura gjatë qëndrimit të tij në shtëpinë më të famshme në Shqipëri ishte lidhja e krijuar me banoren Egla Ceno. Dyshja u kthye shpejt në një nga çiftet më të komentuar të këtij edicioni.
Mirëpo, pak ditë para finales, Gjesti habiti publikun me një deklaratë të papritur:
“E kam jetën të tmerrshme jashtë. Një femër si ti nuk mund të më durojë as dy minuta… Sapo të dal, bllok e ke.”
Deklarata ngjalli dyshime për një ndarje të mundshme, duke ngritur pikëpyetje për vazhdimësinë e lidhjes së tyre jashtë spektaklit.
- Advertisement -
Megjithatë, menjëherë pas përfundimit të “BBVIP”, vëmendja e fansave u përqendrua te sjelljet e dyshes në rrjetet sociale – dhe ajo që u zbulua ishte befasuese. Jo vetëm që Gjesti nuk e ka bllokuar Eglin, por të dy janë parë shpesh bashkë, madje kanë publikuar edhe foto pranë njëri-tjetrit.
Kjo ka shtuar spekulimet se marrëdhënia e tyre mund të jetë forcuar edhe më shumë jashtë shtëpisë së “Big Brother”, duke ngritur pyetjen nëse kemi të bëjmë me një histori dashurie që do të vazhdojë edhe larg kamerave.
