Dolores Aveiro foli për thashethemet e fundit, sipas të cilave ka një krizë mes Cristiano Ronaldos dhe Georgina Rodríguez. Matriarku i ‘klanit Aveiro’ ishte e bindur. “Janë të gjitha gënjeshtra.
Të gjithë çiftet debatojnë, – tha mamaja e CR7 në periferi të një ngjarjeje në një qendër tregtare në Funchal, cituar nga ‘Diário de Notícias da Madeira’. – Pra, kjo është e gjitha një gënjeshtër”.
Nëna e Cristiano Ronaldos i referohej lajmit të dhënë nga ‘OK Diario’, ku thuhej se çifti kanë pasur një diskutim të zjarrtë para një udhëtimi me avion privat, në prani të disa personave.
“Georgina hipi në avion i tërbuar dhe nuk foli me askënd, ndërsa Cristiano ishte i sjellshëm”, – tha një burim për gazetën. I njëjti burim shtoi gjithashtu se “kriza mes Cristiano dhe Georgina është totalisht reale”.
- Advertisement -
Pas kësaj, dhe në përpjekje për të heshtur thashethemet, Ronaldo ka shpërndarë një imazh ku shfaqet duke u puthur me partneren e tij. Gjithashtu, së fundi çifti është bashkuar në një moment të vështirë për familjen.
Njëra prej vajzave, Eva 5-vjeçare (fillimisht mendohej se ishte Alana), iu nënshtrua një operacioni urgjent të apendiksit. Në atë kohë, një imazh i Gio dhe CR7 u shfaq nga spitali, në Arabinë Saudite, pranë vajzës. Për këtë episod, Dolores Aveiro tha gjithashtu se “çdo gjë është në rregull me Evën”.
