Në një intervistë për Radar.al, këngëtari i njohur Labinot Rexha ka rrëfyer prishjen e marrëdhënies me ish-mikun dhe ish-banorin e “Big Brother VIP Albania 4”, Jozefin Markun. Dikur miq të ngushtë dhe bashkëpunëtorë në skenën muzikore të klubeve në Zvicër, dy artistët sot ndodhen në pole të kundërta – një distancim që, sipas Rexhës, nisi me hyrjen e Markut në reality show.
Rexha tregon se përveç një “unfollow” në Instagram, marrëdhënia e tyre ka degraduar edhe në ofendime personale. Ai thekson se konflikti i vërtetë ka të bëjë me bindjet fetare dhe jo me muzikën.
“Jozefin Marku nuk e ka problemin me këndimin. Ai gjithmonë e ka pasur problem fenë islame. Edhe kur punonim në diskoteka, kemi diskutuar shpesh për këtë,” deklaroi këngëtari.
Pavarësisht gjithçkaje, Rexha thekson se ka qenë ndër të parët që ka mbështetur Markun në rrugëtimin e tij muzikor, duke e ndihmuar të depërtojë në skenën artistike dhe të marrë mbështetje nga pronarë lokalesh ku performonin.
- Advertisement -
“Unë e kam përkrahur kur bëri gabimin e parë sepse për mua nuk është njeri i keq. Ishte në kulmin e karrierës dhe do të kishte përfituar shumë nga pjesëmarrja në ‘BBVA4’. Por ai më hoqi i pari nga rrjetet sociale dhe më ka ofenduar rëndë,” tha Rexha, duke shtuar se ka qenë pikërisht ai që i ka hapur dyer Markut në karrierë.
Këngëtari përfundoi duke theksuar se nuk ka pasur ndonjë zili për suksesin e Markut, pasi siç tha vetë, “kam pasur dhe kam një emër më të madh se ai”.
