Shtëpia më e famshme në Shqipëri do të kthehet në një ambient festiv, pasi një nga momentet më emocionuese të sezonit po afron: dasma tradicionale e Big Brother VIP Albania.
Gjesti ka bërë një kërkesë të veçantë për të organizuar një dasmë me Eglin brenda shtëpisë, dhe sot mori përgjigjen zyrtare nga Vëllai i Madh. Gjatë një takimi me finalistët në dhomën e ndenjës, Gjesti lexoi një zarf që përmbante lajmin e shumëpritur.
“Finalistë, Vëllai i Madh ka marrë në konsideratë kërkesën e Gjestit për të organizuar për herë të fundit këtë sezon dasmën tradicionale të Big Brother. Sonte do të ketë festë me të ftuar shumë specialë. Vëllai i Madh do të kujdeset për çdo detaj,” tha ai gjatë leximit.
Pas njoftimit, Gjesti u ngrit dhe përqafoi Eglin, e cila u shfaq e habitur nga surpriza. “Kur e bëre këtë kërkesë?” – ishte pyetja e saj. Momenti i mbushur me emocione u shoqërua edhe me urime nga Rozana, që iu bashkua përqafimeve dhe i uroi çiftit.
- Advertisement -
Tani, të gjithë po presin me padurim dasmën, e cila pritet të jetë një nga momentet më të bukura dhe të komentueshme të këtij sezoni të Big Brother VIP Albania.
