Çifti më i përfolur i Big Brother VIP Albania, Egli dhe Gjesti, po vazhdojnë të jenë në qendër të vëmendjes, dhe jo vetëm brenda shtëpisë së Big Brother, por edhe jashtë saj. Megjithatë, dyshimet për marrëdhënien e tyre mbeten të forta, me disa që mendojnë se ata janë ende të lidhur, ndërsa të tjerë janë më skeptikë.
Ish-banorja e Big Brother VIP, Valbona, e ftuar së fundmi në emisionin “E Diell”, është shprehur e dyzuar në lidhje me vazhdimësinë e marrëdhënies mes Egli dhe Gjestit. Ajo u pyet nga gazetari Ronaldo Sharka nëse ata janë ende bashkë, dhe pas përgjigjes së saj, mediat nisën të përhapin lajme se çifti kishte përfunduar lidhjen.
“Kam përshtypje që për publikun vazhdojnë, por për mua po më lënë një shije të hidhur. Kam frikë se me angazhimet e shumta të Gjestit, por edhe të Egli-t, ata mund të kenë pasur vështirësi për të gjetur kohë për të kaluar bashkë. Por, duhet të shohim reagimet e tyre. Uroj që të jenë bashkë dhe ta kenë finalizuar me dashuri dhe sukses,” tha Valbona.
Pas kësaj deklarate, reagimet e ndjekësve në rrjetet sociale nuk munguan. Por, për të sqaruar çdo dyshim, Egli ka postuar një foto në Instagram, ku shumë nga ndjekësit e saj e kanë komentuar duke sugjeruar se ajo ndodhet në shtëpinë e Gjestit, duke dhënë kështu një përgjigje për pyetjen që ka shqetësuar fansat: “A vazhdoni akoma me Gjestin?”
- Advertisement -
Kjo foto ka ngjallur reagime të shumta, duke i dhënë fund njëherë e mirë aludimeve se lidhja mes tyre mund të jetë në krizë. Siç duket, Egli ka zgjedhur këtë mënyrë për të sqaruar gjithçka për publikun.
