Data 25 prill shënon një hap të rëndësishëm në karrierën e Gjestit, fituesit të edicionit të fundit të “Big Brother VIP Albania”. Ai do të ngjitet për herë të parë në skenë si artist, në një koncert që do të mbahet në klubin “Escape Premium Club” në Prishtinë.
Lajmi është bërë i ditur përmes një postimi në rrjetet sociale nga motra e tij, Blerina Kelmendi, e cila ka ndarë posterin promovues të ngjarjes duke e cilësuar këtë si “koncertin e parë të Gjestit”. Në posterin zyrtar të publikuar theksohet: “Big Brother Champ on stage for the first time”.
Ngjarja pritet të mbledhë një numër të madh fansash dhe personalitetesh publike, ndërsa për atmosferën muzikore do të kujdeset DJ Gimbo, një prej emrave më të njohur të skenës së natës shqiptare. Në skenë do të ngjiten gjithashtu DJ Enzo dhe Sirius, ndërsa mbrëmja do të zhvillohet nën moton “Magic 4”.
Koncerti konsiderohet si debutimi zyrtar i Gjestit në muzikë, pas një periudhe të shkurtër, por të suksesshme, pas daljes nga formati më i ndjekur televiziv në vend. Falë karizmës dhe energjisë pozitive që shfaqi gjatë gjithë rrugëtimit në Big Brother, GJESTI ka fituar një bazë të gjerë admiruesish.
- Advertisement -
Organizatorët premtojnë një atmosferë elektrizuese me surpriza dhe momente të veçanta për të pranishmit. Për të interesuarit, rezervimet mund të bëhen përmes numrit zyrtar të “Escape Premium Club”: +355 69 640 9999.
Ky koncert shënon jo vetëm një ngjarje muzikore të rëndësishme, por edhe fillimin e një kapitulli të ri në karrierën e Gjestit.
