Finalja e madhe e edicionit të katërt të “Big Brother VIP Albania” po afron, dhe tensionet mes banorëve kanë arritur kulmin. Por, debati ka kaluar përtej mureve të shtëpisë, me ish-banorët që nuk hezitojnë të shprehin mendimet e tyre.
Një nga ato që ka ndezur më shumë reagime është Arsida Cepja, ish-banorja e këtij edicioni, e cila ka shpërthyer në rrjetet sociale me akuza të rënda ndaj njërit prej finalistëve më të përfolur, Gjesti. Ajo ka renditur disa arsye përse, sipas saj, ai nuk meriton të shpallet fitues i këtij edicioni.
Arsida thekson që kjo është një mendim personal dhe jo një kërkesë ligjore: “Është mendimi im, nuk po e dekretoj një ligj në parlament që ju prek të gjithëve, kështu që po e them siç e mendoj unë,” ka thënë ajo.
Në reagimin e saj, Cepja pranon se vlerëson disa aspekte të karakterit të Gjestit, si për shembull qëndrueshmërinë dhe energjinë që ka treguar gjatë qëndrimit të tij në shtëpi. Sidoqoftë, ajo thekson se ka analizuar lojën e tij dhe e konsideron atë të pasigurt dhe të rrezikshëm përmes disa veprimeve. Sipas Arsides, Gjesti është i vetmi banor që ka përdorur shantazh emocional ndaj një vajze, duke e çuar atë në një gjendje “zaurimi nervor” dhe duke e trajtuar si objekt. Ajo përmend një episod konkret ku Gjesti, siç thotë ajo, “i futi kokën poshtë fustanit” në praninë e kamerave dhe të publikut shqiptar.
Arsida gjithashtu akuzon Gjestin për përdorimin e gjuhës ofenduese ndaj gruas dhe promovimin e përçarjes fetare. Ajo shpreh shqetësimin se Gjestin ka përdorur lutje dhe fjalë fyese ndaj grupeve fetarë, duke kontribuar në një atmosferë të dëmshme dhe përçarëse. Sipas saj, kjo është një sjellje që nuk mund të përfaqësojë një fitues të një formati me kaq shumë ndikim në publik.
Ky qëndrim i Arsides ka ndezur një valë diskutimesh në rrjetet sociale, ku fansat e Gjestit dhe ata të tjerë kanë reaguar ndryshe ndaj akuzave të ngritura. Pavarësisht tensioneve, kjo situatë ka nxitur një debat të gjerë mbi sjelljen e banorëve dhe atë që mund të konsiderohet fitore e merituar në një program si “Big Brother VIP Albania”.
