Big Brother VIP Kosova është një reality show televiziv kosovar, i bazuar në formatin holandez Big Brother të krijuar nga producenti John de Mol në vitin 1997, i cili filloi transmetimin më 5 dhjetor 2022 në Klan Kosova.
Shfaqja përcjell një numër konkurrentësh të famshëm, të njohur si banorë, të cilët janë të izoluar nga bota e jashtme për 100 ditë në një shtëpi të ndërtuar enkas për çmimin 200,000 euro. Çdo javë, një nga banorët e shtëpisë dëbohet me votim publik, ndërsa banori i fundit i mbetur shpallet fitues.
Emisioni u prezantuat nga Alaudin Hamiti dhe Jonida Vokshi.
Në qershor të vitit 2022, u njoftua se Big Brother do të vijë për herë të parë në Kosovë në Klan Kosova dhe në Artmotion, duke përfshirë njerëzit me famë dhe me emrin Big Brother VIP Kosova.
- Advertisement -
Shikuesit e ndiqen gjithë sezonin drejtpërdrejt nga shtëpia në dy kanale live pay-per-view, me emrat Big Brother VIP Kosova 1 dhe Big Brother VIP Kosova 2, të cilat ishin në dispozicion në platformën televizive kosovare Artmotion si dhe në NimiTV dhe TVALB për diasporën shqiptare në Evropë, SHBA dhe Kanada.
Më 27 qershor 2022 u njoftua se prezantues i emisioneve live do të jetë Alaudin Hamiti. Më 14 shtator 2022, u bë e ditur se Jonida Vokshi do të jetë prezantuesja e dytë e emisioneve live së bashku me Hamitin.
Më 18 shtator 2022, u njoftua se Olti Curri do të ishte opinionist në emisionet live. Më 21 nëntor 2022, u njoftua se Afërdita Paqarada do të ishte opinionistja e dytë në emisionet live, me Currin.
Big Brother VIP është një reality show në të cilin një grup konkurrentësh të famshëm, të referuar si banorë, jetojnë të izoluar nga bota e jashtme në një “shtëpi” të ndërtuar enkas, vazhdimisht nën vëzhgim të kamerave.
Qasja në televizion, internet, dhe media të tjera është e ndaluar. Përveç kësaj, banorët jetojnë në izolim të plotë; ata nuk kanë qasje në botën e jashtme. Ndonjëherë shikuesit votojnë për banorin e tyre të preferuar, dhe ata që marrin më shumë vota kanë imunitet. Gjithashtu, ndonjëherë vetë banorët votojnë për banorin e tyre të preferuar, dhe ai me më shumë vota mban imunitet. Të paktën një herë në javë, banorët e shtëpisë emërojnë fshehurazi dy shokë shtëpie që dëshirojnë të përballen me një votë publike për t’i dëbuar.
- Advertisement -
Dy ose më shumë shokët e shtëpisë me më shumë vota përballen me votën e publikut. Publiku shikues vendos se cili prej tyre do të dëbohet përmes votave me mesazhe. I nominuari me më shumë vota dëbohet dhe largohet nga shtëpia. Nëse qëndrimi i tyre brenda shtëpisë bëhet i vështirë për ta, një banori i lejohet largimi vullnetar në çdo kohë gjatë lojës. Në rast të tërheqjes nga shtëpia, zakonisht në vend të tyre hyn një banor i ri zëvendësues. Në javën e fundit të çdo sezoni, shikuesit votojnë se cili nga banorët e mbetur në shtëpi duhet të fitojë çmimin prej 200,000 € dhe të shpallet fituesi i Big Brother VIP.
Dhe në fund fitues i këtij reality show ishte reperi nga Shqipëria i njohur si Stresi (Arkimed “Stresi” Lushaj).
