Shkruan: Agim Bajrami
Muajt në vijim do të ketë eskalim të situatës në Ukrainë.
Lufta në Ukrainë në muajt në vijim do të përcillet me eskalimin e situatës, ku do të ketë shkatërrime, dhe humbje jetëve.
Deri te eskalimi i situatës, pritet të vijë, nga mobilizimi dhe shtimi i forcave luftarake ruse në Ukrainë, shtimi i bombardimeve, nga edhe do të pasojnë dëmtime dhe humbje të jetëve në njerëz.
- Advertisement -
Nga ana tjetër ‘forcave ushtarake ukrainase’, do tu ofrohej mbështetje e shtuar ushtarake, nëpërmjet mjeteve teknike të tankeve më moderne gjermane, angleze e amerikane gjatë pranverës së këtij viti, dhe më vonë për të pasuar, diku gjatë verës dhe fillimit të vjeshtës nga perëndimi, do të angazhohen në luftën në Ukrainë, edhe aviacioni më modern luftarak, dhe në kundërpërgjigje të kësaj, ‘ushtria ruse’ do të mund të përdor, arsenalin e saj luftarak, edhe jashtë territorit të Ukrainës, ku definitivisht, lufta në Ukrainë do të merr përmasat e zgjerimit luftarake, me mundësi të daljes jashtë kontrolli deri në luftën me përfshirje të gjerë kontinentale apo edhe ndërkontinentale.
Edhe në rajonin e Ballkanit perëndimor, do të mund të pritej eskalime të ndryshimeve politike të përcjella edhe me mundësi të konflikteve luftarake të luftërave ballkanike si në; Bosnje dhe Hercegovinë, Kosovë, Maqedoninë e veriut, dhe në Mal të Zi.
Në Serbi, do të ketë ndryshime politike, partia e Vuqiçit do të ndahej nga partia socialiste e Ivica Daqiçit, të cilat janë në koalicion të qeverisjes së tanishme, dhe si pasojë e kundërthënieve të tyre të brendshme dhe luftën për pushtet, do të maskojnë “për çështjen e marrëveshjes për Kosovën”, dhe siç e kam përmendur edhe në shkrime të mëhershme, se nuk do të ketë marrëveshje normalizuese ndërmjet Kosovës dhe Serbisë, ngase këtë e donë as politikëbërësit serb dhe populli i saj,por edhe kjo marrëveshje nuk është në interesin dhe dobinë edhe të Kosovës, duke krijuar, “Bashkësi të komunave të Kosovës të banuara nga shumica e qytetarëve të etnisë serbe” që përkufizon ,ndarjen e Kosovës.
Ka mundësi, që situata në Kosovë, të eskalon në konflikt të armatosur, e filluar nga ‘grupet paramilitare ruso-serbe’ në veri të Kosovës, për tu zgjeruar konflikti në Maqedoni, Serbi, Shqipëri, me mundësinë e shpërthimit të luftërave evropiane e ballkanike.
Këtë vit, duhet kuptuar si vit sfidues, i paqes dhe sigurisë ballkanike dhe evropiane e më gjerë?!
