Skenarëve të Serbisë u ka hasur sharra në gozhdë me qeverinë Kurti

Shkruan: Kujtim Hajdaj

Kur Presidenti Rugova e kishte përmend pavarësinë e Kosovës në kuvendin e Kosovës me 22 janar 2004, opozita e atëhershme në krye me Thaçin, kishin mbetur si frikacakë të shtangur në ulëse të kuvendit pa guxu me i duartrokit Rugovës për fjalimin e tij në kuvend. Këta edhe sot janë po të njëjtit, frikacakë, mashtrues dhe anti Kosovës sovrane.

Ndarja e Mitrovicës ishte përgatitur qysh pas përfundimit të luftës në Kosovë nga LPK në krye me Hashim Thaçin, që edhe sot pdkistet e rijnë po e proklamojnë dhe mbrojnë  si ‘Zajednicë’ për pushtet. Një pjesë e bashkësisë ndërkombëtare, atëherë UNMIK, duke i parë planet e Thaçit për pushtet, e lanë atë që të korruptohet që më vonë ta përdorin dhe shantazhojnë për qëllimet politike dhe ekspansioniste të Serbisë në Kosovë.

Por atëherë PDK s’kishte mundësi që si e vetme të “qeverisë” me Kosovën, prandaj iu dashtë të gjejë një aleat të dëgjueshëm për të ardhur në pushtet. Këtë rast Thaçi (i njohur deri atëherë si gjarpri) dhe SHIK e shfrytëzuan tradhtisht pas humbjes së presidentit Rugova, duke investuar në thyerjen e LDK me 2006, dhe për të shkuar deri të eliminimi politik i kryetarit të LDK Fatmir Sejdiu, që ishte edhe president i Kosovës.

Ky aleat i dëgjueshëm për Thaçin ishte kush tjetër përpos Isa Mustafës. Dhe për të fituar besimin e LDK përbrenda, së pari Isa Mustafës iu patë dhanë detyra që të akuzoj Thaçin dhe SHIK si “vrasës dhe kriminel” të Kosovës. Duke e arritur këtë qëllim, Thaçit iu hapën të gjitha rrugët që të realizojë planet e tija për pushtet deri të zgjedhja e tij si president i Kosovës. 

Thaçi si president dhe Isa Mustafa si kryeministër, ky ishte skenari perfekt që Serbia dhe një pjesë e faktorit ndërkombëtar e donin në Kosovë. Dhe që të dyjat e donin “Zajednicën” serbe në Kosovë. Dhe për tu bërë kjo realitet, tanimë për këtë po kujdesën trashëgimtarët e rijnë të PDK dhe LDK së Hashim Thaçit dhe Isa Mustafës. Dallimi me të vjetrit është se këta të rinjtë, Memli Krasniqi dhe Lumir Abdixhiku, po e (keq) përdorin pikën e ndjeshme të shqiptarëve që e kanë në Kosovë, ndjenjën pro amerikane, për tu dorëzuar përpara Serbisë për”Zajednicë.”