Shkruan: Agim Bajrami
Kur injoranca (pa profesionalizmi) i zyrtarëve lokal, e qendror, dëmtojnë, interesat vitale, pronat e lokalet afariste të qytetarëve në vendbanimet për rreth liqenit të Batllavës.
Është absurd i llojit të vetë, i funksionimit të institucioneve shtetërore të Kosovës për nga pa profesionalizmi dhe prirja qëllim keqe e zyrtarëve përgjegjës, duke prurë vendimet kundërthënëse dhe të dëmshme për qytetarët e prekur nga vendimet e tilla. Ministria e ambientit, Ministria e pushtetit lokal, dhe komuna e Podujevës, po vazhdojnë të shkatërrojnë gjithçka,nga ndërtimet e bëra të shtëpizave/vikendicave për pushime, lokalet afariste, restorante dhe hoteleve, pranë liqenit të Batllavës, në emër të ndonjë ‘vendimi imagjinar të tyre”, pa kurfar baze ligjore dhe jashtë qëllimit afarist, e i destinimit kundërthënës, ku nuk shkon në qëllimet e dobishmërisë së interesave të përgjithshëm të qytetarëve dhe të vendit në përgjithësi.
Në kohën e administrimit të UNMIK-ut, ka qëndruar ‘Plani Turistik’ i projektuar në detaje, se si të implementohet projekti i quajtur “projekti paqësor” për rreth vendbanimeve të brezit kufitar ndërmjet; komunave të Kosovës që kufizohen me komunat e Serbisë, dhe implementimin e këtij projekti do të bënte Hungaria me paratë e Bashkimit Evropian, ku e gjithë hapësira e brezit kufitar, do shndërrohej në ‘zonën e projektit paqësor’ të turizmit malor, ku do të ndërtohej edhe ‘parku zologjik’ më i madhi në Evropën jug-lindore, nga edhe do të përfitonin qytetarët e këtyre vendbanimeve, dhe Kosova si tërësi, nga turizmi dhe punësimi i qytetarëve të Kosovës.
- Advertisement -
Dhe çka ndodhi më pastaj , ‘projekti i turizmit paqësor’ i detajuar i siguruar nga buxheti i BE-së dhe i gatshëm për implementimin ,u ndalua nga injoranca dhe korrupsioni i partive politike dhe njerëzve që kanë vendosur nëpër institucionet e Kosovës.
Disi ,BE-ja arriti me ndikimin e njeriut dashamirës të asaj treve, që përreth ‘liqenit të Batllavës’ të investohej, me rregullimin e plazheve ,vendosjen e vende pushimeve, shportave të bërllokut, parkingjeve për vetura, mirëmbajtjen e ambientit për rreth , dhe më pas, nga injoranca e zyrtarëve përgjegjës, dhe prirja qëllim keqe, nxirren ‘vendime të pa ligjshme’ dhe i shkatërruan e gjithë rregullimin e plazheve, vendbanimeve për pushime, terrasave të lokaleve afariste/restauranteve, objekteve pranë liqenit, në emër të absurditet primitiv të ndonjë ‘vendimi ministror’ apo komunal apo të ndonjë ligji absurd të prishjes të gjithçkaje, për rreth liqenit duke i lënë sot e kësaj dite për rrethe liqenit gërmadhat e objekteve të shkatërruara në vendet e rrënimit. Ndërsa, në qytetet e vendeve të Bashkimit Evropian, i gjithë objekti hotelor e banues është i ndërtuar mbi liqene, ujëra për rreth të këtyre qyteteve dhe nuk konsiderohen si “dëmtim i ambientit.
Shiko qytetin, Bruzhe të Belgjikës, qytetet të Gjermanisë, Dusseldorf, Berlin, qytei italiane-Firenca, kurse qytetet e Holandës shtrihen ndërmjet liqeneve dhe ujërave. Kurse në Kosovë, gjithçka shkatërrohet, me arsyetimet banal e primitive, dhe të shtyrjes korruptive,”është e ndaluar, në emër të” mbrojtjes së ambientit”. Tmerr? Dhe pse, e ndaluar?
Në vend, se institucionet përkatëse të shtetit të Kosovës, të bëjnë ‘projekte profesionale’ të zhvillimit të turizmit malor, dhe shndërrimin e liqenit të Batllavës në aktivitet turistik, dhe vendbanimeve për rreth brezit kufitar , e ndërtimet e bëra deri më tani, të legalizohen, ndoshta duke vlerësuar në caktimin e një takse për buxhetet komunale, dhe të merren modelet e studimeve turistike nëpër vendet evropiane, e të cilat mund të adaptohen, për rreth zonave të zhvillimit të turizmit malor.
Por kush të bënë këtë, të tillët janë të prirë vetëm të shkatërrojnë, në emër të ndonjë ndalese, në kokat e tyre primitive.
- Advertisement -
Pastaj, fajtor është për të gjitha, Serbia, edhe për zyrtarët e pa dijshëm, e të korruptuar dhe me prirje negative ndaj interesit të qytetarit?!
