Shkruan: Arta Maxhuni
Pena e Arif Bozaxhiut është ndër të rrallat në letrat shqipe. Vargu i vogël, tipar dallues i stilit të tij, të fal ndjesi dhe mendime të thella, duke ndërthur mjeshtrisht të bukurën, natyrën, gjithësinë, gruan dhe dashurinë, me një ton më të theksuar.
Pak vargje, por të plota. Dhe, po t’i shtoje qoftë dhe një fjalë, duket sikur humb rrjedha e lumit të tij krijues. Teksa lexon poezitë e poetit Arif Bozaxhiu, përshkrim i tërthortë e i ngjeshur, të duket sikur mëson të fshehtat e kozmosit, nganjëherë, dhe sikur hap një derë për një botë tjetër imagjinatave.
Lirika e tij të fton të fluturosh lehtë, mu si fluturat në vargjet e tij, në ëndrrat e makthet, dhimbjet, imagjinatën dhe Prishtinën e tij. Poetët vargpak, janë të parapëlqyerit e mijë dhe Arif Bozaxhiu është njëri ndër ta.
