Shkruan: Naim Kelmendi
Tash edhe kur Havenier deklaron se: “ky asociacion nuk duhet te jetë republikë serbe, dhe jo asociacion me kompetenca ekzekutive”, i cili është shprehur pas një diskutimi me shoqërinë civile dhe partitë opozitare në Ambasadën amerikane të Martën, rruga është e hapur dhe sigurt për ta bërë statutin e asociacionit vetëm si një OJQ, ndryshe asfarë organizimi juridik s’mund të ketë.
Atëherë, Asociacion i komunave me shumicë serbe (i nënshkruar në Bruksel nga Hashim Thaçi më 2013 dhe më pas edhe nga Isa Mustafa më 2015, dhe më pas edhe i ratifikuar në Kuvendin e Kosovës) pa kompetenca ekzekutive, mbetet asociacion vetëm si OJQ.
A e duan dhe a e pranojnë një lloj të këtillë asociacioni pakica serbe, nuk besoj, ngase ata flasin dhe ideojnë, sipas skenarëve të Aleksandër Vuçiqit, vetëm asociacion me kompetenca ekzekutive, pra me kompetenca pushtetare, dhe këtë nuk e duron Kushtetuta e Republikës së Kosovës, pra nuk duron fryma e Kushtetutës një pushtet të tretë.
- Advertisement -
Duhet thënë troç kësaj opozitës, që sot po kanë fytyrë ta bëjnë gjithë këtë zhurmë e presion mbi qeverinë, se pikërisht dje kur këta ishin në pozitë, liderët e tyre, PDK, LDK, AAK, kanë nënshkruar këso Marrëveshjesh të dëmshme për shtetin, duke marrë dhe obligime ndërkombëtare, dhe sot pasojat e tyre janë evidente në proceset e shtet-ndërtimit të Kosovës.
Tashmë duhet thënë se, 6 Pikat (kushtet) e kryeministrit Kurti janë qenësore dhe bazike përkundrejt krijimit të Asociacionit.
Pa respektimin e këtyre kushteve nga ana e Serbisë,atëherë edhe dialogu për Marrëveshja përfundimtare duhet ndërprerë menjëherë. Një dialog pa fund pa pranuar e pa respektuar asgjë nga Serbia, (janë dhe 33 Marrëveshje që Serbia asnjërën nuk i respekton), nuk do të ketë asnjë kuptim.
