Shkruan: Agim Bajrami
Draft statuti i FES-it gjerman kundër shtetit të Kosovës.
‘Draft statuti’ i hartuar nga FES-i gjerman, është krijesa e kategorisë juridike themeltare e ‘etnisë serbe’ në Kosovë, dhe që bie në kundershtim me sistemin kushtetues, dhe vetë bazamentin e krijimit të shtetit të Kosovës.
Përmes këtij, “draft statuti” të FES-it gjerman, shteti i Kosovës duhet të ndryshoj rregullimin e vetë kushtetues, duke u shndërruar në shtet federal, prej dy njësive konstituive, njërës, “Njësia/republika serbe e veriut të Kosovës” mbi bazën e marrëveshjes së Brukselit të vitit 2013 dhe 2015, dhe Njësia tjetër, themeltarë e bazuar mbi bazën e 17 shkurtit 2008, kur u shpall Republika e Kosovës, mbi bazën e kushtetutës në fuqi, në kuadër të cilës, të ‘drejtat e minoriteteve’ avancohen, në mënyrë të pa krahasuara, me standardet tjera ndërkombëtare.
- Advertisement -
Dhe sipas këtij ‘draft statuti’, minoritetit serb në Kosovë, i jepen të drejta kolektive kombëtare, të cilat nuk kanë ndonjë varësi të subordinimit me sistemin aktual ligjor e kushtetues të Kosovës, dhe sipas këtij “draft statuti” gjerman, shpërbërja e bashkësisë së komunave me shumicë serbe, është e drejtë ekskluzive e vendimmarrjes së kësaj bashkësie, në përputhje me “draft statutin” e hartuar nga FES-i gjerman.
Dhe si rrjedhojë, përmes këtij “draft statuti ” shteti i Kosovës, po e akomodon brenda vetës “republikën serpsks” plotësisht në ngjashmëri me atë të Bosnjës,dhe përmes kësaj, është hapi i shpërbërjes së shtetit të Kosovës???
