Shkruan: Naim KELMENDI
1. Serbia dëshiron ta defakorizojë shtetin e Kosovës nga brenda, në fakt me Asociacionin e komunave serbe dhe me zyrtarizimin e njohjes se kishave ortodokse serbe, duke iu krijuar një siguri të lartë dhe eksterritorialitet. Defakto Serbia ka skenare për ta defaktorizuar kështu shtetin unitar në territorin e Kosovës. Kjo është edhe qëllimi i Serbisë në krye me Aleksandër Vuçiqin. Vuçiqi nuk pranon asnjë model të asociacionit për pakicën serbe në Kosovë, nëse ai nuk përmban kompetenca ekzekutive, pra që nënkupton ndonjë autonomi për komunat serbe, edhe pse në Kosovë nuk mund të ketë një pushtet të tretë, sepse bie ndesh me Kushtetutën.
Po atëherë për çfarë asociacioni të serbëve të veriut po mendojnë emisarët ndërkombëtar, derisa Vuqiç shprehet se, asociacioni nuk do të jetë një OJQ?!
Edhe përkundër deklaratave të emisarit evropian Lajqak dhe atij amerikan për Ballkanin, z. Eskobar, se, “Ne nuk duam një “republika serbska”, askush me mendje të shëndoshë, veçanërisht duke e shikuar situatën aktuale në Bosnje e Hercegovinë, nuk do të propozonte diçka të tillë, do të shprehej emisari Lajçak, ndërsa edhe Eskobar është shprehur qartë se, “nuk do lejojmë asfarë asociacioni serb që bie ndesh me Kushtetutën, apo asociacion që rrezikon shtetin e Kosovës”, presioni i shtuar kohët e fundit ndaj qeverisë, për ta bërë së pari Asiciacionin, për të vazhduar më tej me planin francezo-gjerman, duket se ka rrezik për hapjen e derës drejt ndarjes së Veriut, ngase Vuçiq dhe serbët e Veriut duan vetëm asociacion me kompetenca ekzekutive, për ta ndarë Veriun më vonë.
- Advertisement -
2. Edhe përkundër presionit që po i bëhet qeverisë, Albin Kurtit, për ta krijuar asociacionin e komunave serbe, deklarimi i Eskobarit se “nëse kryeminstri Kurti nuk do ta bëjë asociacionin, atëherë ne do të gjejmë akeatë tjerë jashtë qeverisë për krijimin e asociacionit”. Edhe përkundër këtij deklarimit të Eskobar, në të vërtetë asfarë asociacioni nuk mund të krijohet jashtë qeverisë së Kosovës.
Meqë serbët e Veriut në dhjetir në mënyrë demonstrative u karguan nga institucionet e Kosovë, sikundër nga shërbimi policor, administrata,institucionet e drejtësisë etj, këtë e kanë bërë duke pritur krijimin e Asociacionit tê komunave serbe,që ata presin të jetë Asociacion me kompetenca ekzekutive, apo një vetëqeverisje me ingerenca të pushtetit,ndryshe ata,serbêt nuk pranojnë tjetër asociacion, por për një asociacion të tillë ideon skenarin e tij edhe Aleksandêr Vuçiq, ndryshe për një asociacion tjetër, p.sh sikur ky që veç ekziston, pra p.sh asociacioni i komunave të Kosovës, Vuqiçit nuk i intereson, ngase në të vërtetë qëllimi i tij është krijimi i një autonomie për serbët e Veriut. Kjo nuk mund të pranohet assesi, ngase është diversion ndaj republikës së Kosovës. Kushtetuta e Republikës së Kosovës nuk lejon pushtet të tretë. Në fakt çdo gjë që del përtej Pakos së Ahtisarit për pakicën serbe është e papranueshme,në të vërtetë kjo çon vetëm drejtë ndarjes veriut të Kosovës!
