A. Merkel: “Shqiptarët të kenë një shtet, ua kemi borxh”

Shkruan: Naim Kelmendi

Analisti Naim Kelmendi në një vështrim për KosPress, vëmendëson se, Deklarata e këto ditshme e ish kancelares gjermane Angela Merkel gjatë një takimi në Berlin se, “Shqiptarët duhet të kenë një shtet”, dhe po ashtu ajo thekson më tej se, “shteti shqiptar u nda gjatë luftërave ballkanike e gjatë Luftës së Parë  Botërore.

“Shqipëria është i vetmi shtet në botë që kufizohet në të gjitha anët me bashkëkombësit e vet”. Merkel më pastaj do të shprehet se dëshirë e saj është ta shohë një Shqipëri ashtu si e ka krijuar Zoti.

Pas pyetjes së një gazetari gjerman se, “përse kjo përkujdesje ndaj shqiptarëve nga ana e Angela Merkel”, ajo do të shprehet fare shkurt:, “Ua kemi borxh”, është sinjifikative për diplomacinë evropiane e ndërkombëtare, njëherit meriton vëmendje: e para, ajo tashme po e rikthjellon një të vërtetë historike të mohuar për shqiptarët si komb, pra atë të ndarjes së kombit shqiptar që në Kongresin e Berlinit (1878), pastaj edhe në Konferencën e Londrës.(1919), dhe krejt kjo me ndikimin e Rusisë, duke e ndarë e copëtuar dhe për ta zhbërë kombin shqiptar në gjeografinë e vet etnike, nga këto copëtime, pjesë të gjeografisë së hartës etnike iu shqyen nga shtetet sllave, sikundër nga Serbia,

Maqedonia, Mali i Zi, Greqia etj. Deklarata e znj. Angela Merkel në takimin e Berlinit është sinjifikative edhe për diplomacinë shqiptare.

Me këtë deklaratë të zjn. Angela Merkel vihet në pah një e vërtetë historike, ajo e ndarjes së Shqipërisë në pesë shtete, por jo vetëm kaq, njeherit shpërfaq mendimin se diplomacia ndërkombëtare duhet të jetë koshiente e të lëvizë në drejtim të bashkimit të kombit shqiptar, dhe se duhet që kufijtë e vënë padrejtësisht në Ballkan në kurriz të kombit shqiptar, duhet të korrigjohen. Varet se me çfarë mjetesh do të arrihet kjo!.

Kufijtë e vendosur me dhunë në luftërat ballkanike mbi tragjedinë e një kombi, duhet të rivendosen, dhe “Shqipëria të bëhet ashtu sikur e ka krijuar vetë Zoti”, ndryshe nuk do të ketë kurrë qetësi në Ballkan e Evropë, shprehet në opinionin e tij Naim  Kelmendi.