Emisari i Bashkimit Evropian për dialogun ndërmjet Kosovës dhe Serbisë, Peter Sorensen, po qëndron për një vizitë të shkurtër në Prishtinë.
Vizita e Sorensenit zhvillohet në një moment të ndjeshëm për skenën politike të vendit, pasi vendi ndodhet në një situatë bllokimi institucional.
Pavarësisht fitores në zgjedhjet e fundit, Lëvizja Vetëvendosje ende nuk ka arritur të zgjedhë kryetarin e Kuvendit, duke zgjatur paqartësinë rreth formimit të institucioneve të reja.
Nuk është bërë e ditur ende nëse vizita e emisarit do të përfshijë takime të tjera me përfaqësues politikë apo ndërkombëtarë në Kosovë, përveç atij të paralajmëruar me zëvendëskryeministrin Besnik Bislimi.
