Zëvendësuesi i zv. Drejtorit të Përgjithshëm për Siguri të Shërbimit Korrektues të Kosovës, Besar Gashi, së bashku me disa zyrtarë të lartë të SHKK-së, me ftesë të Drejtorisë së Policisë së Burgjeve të Republikës së Shqipërisë po qëndrojnë për vizitë në Shqipëri.
Gjatë vizitës, Gashi dhe delegacioni i SHKK-së janë takuar me Drejtorin e Përgjithshëm të Burgjeve, Admir Abrija dhe Drejtorin e Policisë së Burgjeve, Paulin Rajta.
Në takimi u shkëmbyen idetë dhe përvojat më të mira në shumë fusha, si në fushën e trajtimit të të burgosurve, fushën e trajnimeve të stafit dhe fushën e kontrollit të brendshëm, e veçanërisht në fushën e sigurisë.
Bashkëpunimi në mes të të dyja institucioneve tona është i vlefshëm dhe frytdhënës, jo vetëm për sistemet korrektuese, por edhe për interesin e përbashkët në integrimin e vendeve tona në frymën e përmbushjes së standardeve evropiane.
- Advertisement -
Vizitat e tilla janë si rezultat i nënshkrimit të marrëveshjes së bashkëpunimit mes te dyja vendeve dhe kane për qëllim realizimin e vizitave të ndërsjella ekspertësh të fushës dhe shkëmbimin e përvojave më të mira për të dyja vendet.
