Zëvendëskryeministri Bislimi e konsideron si diçka normale ikjen e kosovarëve

Zëvendëskryeministri i Kosovës, Besnik Bislimi ka thënë se është diçka normale  ika e kosovarëve nga vendi.

Ai kur u pyet për largimin e qytetarëve tha se për këtë fillimisht duhen statistika.

“Në Kosovë, në Ballkanin Perëndimor ose në Europën Lindore ka pasur në vazhdimësi tendenca për migrim. Diku gjysmë milioni mjekë që operojnë në Bashkimin Europian nuk janë të lidhur me Bashkimin Europian. Do të thotë, migrimi është diçka normale, është pjesë e tendencave të individit dhe familjeve për të përmirësuar standardet e jetesës”, tha ai.

Bislimi tha se “mund të bëhet më shumë” që ata të qëndrojnë në Kosovë, duke thënë se “kushtet e punës duhet të jenë më të mira”.

Bislimi i del në mbrojtje Nagip Krasniqit: Mëkati tij i vetëm është fakti që i ka sjellë KEK-ut mbi 107 milionë euro profit

Zëvendëskryeministri i parë për Integrim Evropian, Zhvillim dhe Dialog Besnik Bislimi po raporton sot në Komisionin për Integrim Evropian.

Atij i janë drejtuar pyetje për ish-kryeshefin e tKEK-ut, Nagip Krasniqi i cili është arrestuar para disa ditëve nën dyshimet për korrupsion.

Bislimi i ka dalë në mbrojtje Krasniqit, duke thënë se “mëkati i tij i vetëm është fakti që i ka sjellë kompanisë së po punonte me humbje mbi 107 milionë euro profit”.

“Ne po bëjmë përpjekje për luftimin e korrupsionit, por korrupsioni as nuk mund të zhduket e as të rrënjoset tërësisht, por kjo përcillet me korrupsionin zero tolerancë. Ne nuk kemi thënë se e kemi zhdukur tërësisht korrupsioni, por po punojmë për këtë. Ne mendojmë se ka shumë korrupsion në KEK dhe jemi të vetëdijshëm që 30 raste të tilla janë deponuar në prokurori nga ana e menaxhmetit të KEK-ut, por ja që nuk ka interes të një institucionit që mund të them është politik të merret me këto raste, por ka interes të merret me menaxherin i cili nga një kompani që ka punuar në humbje e ka sjellë në kompani me 107 milionë euro profit. Ky ka qenë mëkati i vetëm i Nagip Krasniqit për të cilin është dashtë me u arrestu. Ai duhet të arrestohet që të vijë dikush tjetër që të vijë dikush në vend të tij”, u shpreh Bisilimi ndër të tjera.

Gjykata e Apelit para dy ditëve ka vendosur ta lë në paraburgim Nagip Krasniqin. Ai është arrestuar muajin e kaluar nën dyshimet për keqpërdorim të pozitës apo autoritetit zyrtar, ushtrim të ndikimit dhe konflikt interesi.