Vllasi ka një këshillë për Kurtin para takimit me Vuçiqin për çështjen e Asociacionit

Kryeministri i Kosovës, Albin Kurti dhe presidenti i Serbisë, Aleksander Vuçiq do të zhvillojnë takimin e radhës më 27 shkurt në Bruksel.

Ky takim është ftuar nga Përfaqësuesi i lartë i BE-së për politikë të jashtme dhe siguri, Josep Borrell.

Azem Vllasi, analist politik thotë se nuk mund të pritet diçka e rëndësishme e as sensacionale nga takimi i së hënës.

Megjithatë, ka thënë se është më rëndësi që dialogu të vazhdoj.

“Pozita e Kurtit është më e mirë ngase propozimi franko-gjerman, në fakt evropian e i përkrahur nga SHBA në esencë është bazë e një marrëveshje mes dy shteteve. Kurti nuk duhet të heq dorë nga njohja reciproke mes dy shteteve, por po ashtu  duhet të kërkoi që Serbia ta heq Kosovën nga Kushtetuta e vet. Derisa kjo mos të ndodhë njohja edhe nëse ndodhë,  mbetet një deklaratë joobligative.

Më tutje, Vllasi ka thënë se Vuçiq po synon si përfitim të nxjerrë Bashkësinë e Komunave me Shumicë serbe.

Vllasi ka një këshille për kryeministrin e Kosovës për çështjen e Asociacionit.

“Kurti nuk duhet për këtë çështje të konfrontohet me ta, por këtë duhet ta merr si punë të brendshme të Kosovës e që duhet të rregullohet në suaza të rendit kushtetues dhe juridik të Kosovës e jo si obligim ndaj Serbisë”, ka përfunduar ai.