Dy persona kanë humbur jetën si pasojë e një vetaksidenti të rëndë që ndodhi të hënën në mbrëmje në Fushë-Kosovë.
Policia e Kosovës ka konfirmuar se viktimat janë shoferja dhe pasagjerja e një veture, të cilat u dërguan me urgjencë në Qendrën Klinike Universitare të Kosovës (QKUK), por fatkeqësisht mjekët konstatuan vdekjen e tyre.
Sipas raportit zyrtar të policisë, vetura ishte duke u drejtuar nga një femër kosovare kur ndodhi aksidenti. Me urdhër të prokurorit, trupat e pajetë janë dërguar në Institutin e Mjekësisë Ligjore për obduksion.
Rasti është hapur dhe po trajtohet si pjesë e procedurës hetimore për të zbardhur shkaqet e aksidentit tragjik.
