Presidenti i Turqisë, Recep Tayyip Erdogan, ka mbërritur në Tiranë për të marrë pjesë në punimet e Samitit të Komunitetit Politik Europian. Ai u prit në mënyrë zyrtare nga kryeministri i Shqipërisë, Edi Rama.
Në një deklaratë të shkurtër për mediat, presidenti turk shprehu pritshmëritë e tij për samitin, duke e cilësuar Shqipërinë si një vend ku pritet të dëgjohet një thirrje globale për paqe.
“Çfarë është ajo që prisnim? Presim shumë gjëra me vëllain tim shqiptar. Në Shqipëri, e gjithë bota do të thërrasë zërin e paqes,” u shpreh Erdogan në gjuhën turke.
Samiti në Tiranë ka mbledhur liderë nga e gjithë Evropa dhe më gjerë, për të diskutuar sfidat dhe perspektivat e përbashkëta të sigurisë, paqes dhe bashkëpunimit në kontinent.
