Një person është gjetur i vdekur mëngjesin e sotëm në ordinancën dentare “Kiseri Dent” në Prizren. Rasti është konfirmuar nga Policia e Kosovës të cilët po dyshojnë se i ndjeri ka bërë vetëvrasje.
Insajderi mëson se bëhet fjalë për stomatologun, Arben Kiseri, 53-vjeçar.
Zëdhënësi i Policisë së Kosovës në Prizren, Shaqir Bytyqi, tha për Insajderin se janë duke i hetuar rrethanat e vdekjes duke aluduar në vetëvrasje.
“Sot me datë 17.01.2025, rreth orës 10.37 është pranuar informata se në ordinancën dentare ,, Kiseri dent” e cila gjendet në sheshin Shatërvan, në Prizren, është gjet një person për të cilin dyshohet se ka kryer vetëvrasje me varje. Nga mjekët e emergjencës është konstatuar vdekja e viktimës. Patrulla policore ka bërë sigurimin e vendit ngjarjes, në vendngjarje kanë dalë hetuesit dhe hetuesit e vendit të ngjarjes (forenzika) nga Sektori Rajonal i Hetimeve”, tha ai.
- Advertisement -
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion./Insajderi.org/