Në Kuvendin e Kosovës dhe në Këshillin e Ministrave të Bosnjës e Hercegovinës pritet të votohet sot marrëveshja e lëvizjes së lirë me letërnjoftime mes gjashtë shteteve të Ballkanit Perëndimor.
Kryeministrat e Kosovës, Shqipërisë, Bosnjë e Hercegovinës, Malit të Zi, Maqedonisë së Veriut dhe Serbisë, gjatë nënshkrimit të marrëveshjeve për njohjen reciproke të letërnjoftimeve, të diplomave universitare dhe të kualifikimeve profesionale.
Kjo marrëveshje, pas hyrjes në fuqi i mundëson qytetarëve nga Kosova lëvizjen e lirë pa viza drejt Bosnjës. Nëse kjo marrëveshje do të miratohet ditën e sotme nga Këshilli i Ministrave, më pas pritet miratimi në parlamentin e Bosnjës e Hercegovinës.
Kjo marrëveshje është arrirë në nëntor në Berlin dhe është një prej tre marrëveshjeve në kuadër të procesit të Berlinit. Kujtojmë se, Bosnjë e Hercegovina nuk e njeh pavarësinë e Kosovës dhe qytetarët e të dyja shteteve duhet të pajiseshin me vizë për të udhëtuar deri tani dhe kjo merr fund nëse të dyja shtetet pranojnë që kjo gjë të ndryshojë.
