Gjendja shëndetësore e minatorëve të Trepçës ka nisur të përkeqësohet në ditën e gjashtë të grevës.
Rreth 20 minatorë kanë kërkuar vetëm këtë të diel trajtim mjekësor, pas 5 ditë greve.
Mjeku i emergjencës i cili gjendet pranë minatorëve grevist, Ridvan Ramaxhiku tha se vetëm këtë të diel kanë pasur 18 raste të cilët i kanë kontrolluar dhe se siç ka treguar ai, dy prej tyre për në spital.
“Ditën e sotme i kemi pasur 18 raste, dy i kemi dërguar në spital, shumica prej tyre kanë pasur tretman për kokëdhimbje për shkak të tensionit arterial, disa kanë pasur edhe mundime ose dhimbje trupore”, tha Ramaxhiku.
- Advertisement -
Ai tha se të gjitha këto raste i kanë trajtuar me mundësitë e tyre.
“ Vetë ambienti i cili është atje që edhe njeriu i shëndosh me hy i paraqiten këto simptoma. Kemi edhe disa punëtorë të cilët edhe vetë janë të sëmurë, kështu që mundet të ju përkeqësohet edhe gjendja. Ka pasur edhe të tillë që nuk e kanë pranuar terapinë”, ka deklaruar Ridvan Ramaxhiku,.
Në anën tjetër minatorët grevist kanë thënë se përkundër gjendjes së rëndë shëndetësore, ata nuk do të tërhiqen nga kërkesat e tyre.
Derisa, ata kanë kërkuar që edhe kryeministri Albin Kurti të ju shkojë në vizitë e të informohet drejtpërdrejt me kërkesat e kushtet e tyre.
