Ndihmës Sekretari i Përgjithshëm i NATO-s, ambasadori Boris Ruge ka thënë se në takimin me presidenten Vjosa Osmani, ka nënvizuar pikëpamjen e NATO-s për Urën e Ibrit, duke thënë se vendimet duhet të vijnë përmes dialogut dhe në mënyrë të koordinuar.
Në një postim në “X”, ai poashtu tha se NATO është krenare që ka ofruar një mjedis të sigurtë në Kosovë për 25 vjet, njofton Klankosova.tv.
“NATO është krenare që ka ofruar një mjedis të sigurt për të gjithë në Kosovë për 25 vjet. Sot me Vjosa Osmanin, kemi bërë një bilanc të asaj që është arritur. Për urën mbi Ibër, nënvizova pikëpamjen e NATO-s se vendimet duhet të vijnë përmes dialogut dhe në mënyrë të koordinuar”, ka shkruar Ruge, njofton Klankosova.tv.
“Është thelbësore që të gjithë aktorët të përmbahen nga deklaratat dhe veprimet e njëanshme që mund të krijojnë tensione. Ky është çelësi për sigurinë e qëndrueshme në të gjithë Kosovën – për të mirën e të gjithë njerëzve dhe komuniteteve – dhe për stabilitetin rajonal”, ka thënë më tej Ruge.
- Advertisement -
#NATO is proud of having provided a safe&secure environment for all in #Kosovo for 25 yrs. Today with @VjosaOsmaniPRKS we took stock of what was achieved. On the bridge over the Ibar/Ibër, I underlined NATO's view that decisions must come thru dialogue & in a coordinated manner. pic.twitter.com/QAONPdMuyv
— Boris Ruge (@RugeBoris) August 20, 2024
