Gjykatësja federale e qarkut Aileen Cannon e ka hedhur poshtë çështjen e dokumenteve të klasifikuara kundër Donald Trump, raporton CNN.
Në vendimin e dhënë sot, Cannon tha se emërimi i prokurorit special Jack Smith shkel Kushtetutën e SHBA-ve.
Pas vendimit në favor të ish-Presidentit Trump, ish-emisari amerikan për dialogun Kosovë-Serbi, Richard Grenell ka reaguar.
Ai u shpreh se çështja e Jack Smith kundër Trump po shpërbëhet, ndërsa shtoi se tashmë ka ardhur koha që e njëjta gjë të ndodhë me rastin e ish-Presidentit të Kosovës, Hashim Thaçi.
Ky i fundit mbahet në paraburgim nga Gjykata Speciale që nga viti 2020.
- Advertisement -
Aktakuzat ndaj ish-krerëve të UÇK-së i kishte ngritur Jack Smith si kryeprokuror i Gjykatës Speciale në vitin 2020, për të dhënë dorëheqje më pas në vitin 2022 pikërisht për ta marrë rastin e Donald Trump.
Jack Smith’s Trump case falls apart.
Over to you, @HashimThaciRKS.
— Richard Grenell (@RichardGrenell) July 15, 2024
