Bizneset në kryeqytet kanë nisur protestën e paralajmëruar kundër mënyrës së zbatimit të procesit të liberalizimit të tregut të energjisë elektrike. Protesta po zhvillohet sot, nga ora 10:00 deri në 12:00, në disa nga pikat hyrëse kryesore të Prishtinës.
Që në orët e para të mëngjesit, kolona kamionësh kanë nisur të pozicionohen për të bllokuar rrugët, si pjesë e aksionit protestues. Pamjet live nga Prishtina tregojnë rreshtime të gjata automjetesh të rënda, të gatshme për të bllokuar qarkullimin në drejtim të qytetit.
Sipas organizatorëve, protesta është shprehje e pakënaqësisë së bizneseve ndaj kostove dhe pasigurisë që, sipas tyre, ka sjellë kalimi në tregun e lirë të energjisë.
Protesta po zhvillohet në këto katër pika strategjike:
- Advertisement -
Veterniku – hyrja për në Prishtinë
Rrethi te Kazerma – drejtimi Fushë Kosovë–Prishtinë
Rrethi i Arbërisë – drejtimi Mitrovicë–Prishtinë
Vranjevc–Sharbanë – drejtimi Podujevë–Prishtinë
Policia e Kosovës ka konfirmuar praninë në terren me njësi të shumta për të garantuar rendin dhe sigurinë publike, si dhe për të menaxhuar qarkullimin e automjeteve në rrugët alternative.
- Advertisement -
Autoritetet kanë bërë thirrje për kujdes të shtuar në trafik dhe mirëkuptim nga qytetarët gjatë orëve të protestës.
