Presidentja e Kosovës Vjosa Osmani, pritet të vizitojë Shqipërinë.
Mësohet se vizita vjen pas ftesës nga homologu i saj, Presidenti Bajram Begaj, teksa takimi do zhvillohet në datat 4 dhe 5 shtator. Nuk dihet nëse pjesë e axhendës së Osmanit do jetë dhe një takim me kreyministrin Edi Rama, apo figura të tjera të politikës shqiptare.
Kujtojmë se mes dy vendeve pati një ngërç, kur kryeministri Albin Kuerti refuzoi ftesën e Ramës për t’u takuar, gjë që çoi dhe në anulimin e mbledhjes së dytë mes dy qeverive.
