Ai në një postim në Instagram, shkroi se takimi, ku u diskutua edhe për Kosovën, konfirmon përmirësimin e marrëdhënieve bilateral ndërmjet Serbisë dhe SHBA-së.
“Krahas diskutimit për marrëdhëniet ndërmjet Beogradit dhe Prishtinës, konfirmuam përmirësimin e marrëdhënieve bilaterale ndërmjet Serbisë dhe SHBA-së. Presidenti i Republikës së Serbisë Aleksandar Vuçiq u takua me Sekretarin e Shtetit të Shteteve të Bashkuara të Amerikës Anthony Blinken në hapjen e Konferencës së Sigurisë në Mynih.” – shkroi ai.
Ndërsa, në postimin e tij në Twitter, Blinken e falënderoi Serbinë për përkrahjen për Ukrainën.
“Pati një bisedë produktive me presidentin serb Aleksandar Vuçiq sot në Konferencën e Sigurisë së Mynihit. Diskutuam rëndësinë e normalizimit të marrëdhënieve me Kosovën dhe përçova vlerësimin tonë për mbështetjen e vazhdueshme të Serbisë për Ukrainën. Ne ndajmë dëshirën e Serbisë për një të ardhme me BE-në.” – shkroi z. Blinken.
