Policia ka arrestuar aktivistët e grupit “Asnjë cent më shumë”, të cilët mëngjesin e sotëm zhvilluan një aksion simbolik duke bllokuar zyrat e Zyrës së Rregullatorit për Energji (ZRrE).
Ky aksion erdhi si reagim ndaj paralajmërimit të ZRrE-së për një rritje prej 15% të tarifave të energjisë elektrike. Aktivistët kërkuan që zyrtarët e ZRrE-së të angazhohen publikisht për të mos miratuar rritjen e çmimit të rrymës.
Ata theksuan se zyrat do të mbeten të bllokuara deri në një deklaratë publike nga ZRrE, e cila do të garantojë se nuk do të miratohet ndonjë rritje e mëtejshme e tarifave.
