Në letrën e dërguar nga kryetari i Lidhjes Demokratike të Kosovës, Lumir Abdixhiku, drejtuar kryeministrit dhe liderit të Vetëvendosjes, Albin Kurti, LDK shpreh qartë qëndrimin e saj lidhur me propozimin për bashkëqeverisje.
Dokumenti zyrtar nënvizon se LDK nuk e sheh të mundur ndërtimin e një koalicioni qeverisës me Lëvizjen Vetëvendosje, duke përmendur si arsye mungesën e besimit dhe bilancin negativ të qeverisjes aktuale. Letra konfirmon pozicionin e prerë të partisë për të mos u bërë pjesë e një bashkëpunimi politik me VV-në në këtë fazë.
Ky komunikim vjen si përgjigje ndaj letrës së mëparshme të Kurtit, në të cilën ai i kishte bërë thirrje opozitës për bashkëpunim në funksion të unitetit politik.
